Systur á skautum

Fór með systur mínar á skauta á TM skautasvellinu á Ingólfstorgi. Algjör snilld! Stóra systir var víst ekki alveg nógu kúl með hjálminn, hélt að Bogey ætlaði aldrei að hætta að hlæja að mér, ég var eins og sveppur sagði hún! Hehe gaman að því... En já þetta er mjög sniðugt, maður getur leigt skauta þarna á 300 kall og auðvitað verður maður að fá hjálm líka, það er skylda að vera með svoleiðis Verð að setja inn myndir af þeim hérna á svellinu

Við Heiða litla(hehe...)bjuggum til konfekt um helgina, alveg ótrúlega flott hjá okkur. Það var líka einum of gott, maður þarf eiginlega að búa til meira svo það verði eitthvað til á sjálfum jólunum! Hehe djók...

Ég var ekki tvöfalt í vinnunni í dag,mjög ánægjulegt! Ég kom heim og snérist í kringum sjálfa mig, vissi ekkert hvað ég ætti af mér að gera. Að lokum ákvað ég að mála piparkökur, voða flottar hjá mér

Lokaþátturinn í So You Think You Can Dance er í kvöld Á eftir að sakna þess að horfa á þetta, elska þessa þættiiiii!!

13 dagar til jóla ...Og þrjár jólagjafir eftir

 

Shallow Hal...

Mér finnst alveg frekar mikið óréttlæti að svona ósmekkleg manneskja eins og Britney Spears skuli eiga svona gríðarlega mikið af peningum. Hún getur keypt sér öll þau ljótu föt sem hún kemst yfir en ég, smekkmanneskja með meiru, get ekki keypt mér öll fallegu fötin sem mig langar svo mikið mikið mikið í! Hvað er þetta annað en óréttlæti... Það er svo ágætt að hafa ekki yfir öðru að kvarta en einhverju svona Britney ætti kannski að taka upp á því að kaupa sér nærbuxur, ágætis byrjun...

18 dagar til jóla

Tvöföld Moggavakt... Vúhú...

Fór í Hagkaup í gær sem er ekki í frásögur færandi nema að þegar ég stend á kassanum sé ég að konan sem er á undan mér er að kaupa jóladagatal Sjónvarpsins. Nema hvað, þetta er sama jóladagatalið og var sýnt í sjónvarpinu, allavega nokkrum sinnum, þegar ég var krakki. Og damn hvað ég man að mér þótti það leiðinlegt, fylgdist aldrei með því. Var bara að velta fyrir mér áhuganum hjá ungu kynslóðinni í dag. Fylgjast með einhverju hundgömlu og óspennandi jóladagatali. Ætli markaðurinn sé ekki bara frekar lítill fyrir þetta efni sem er sýnt einn mánuð á ári í korter á dag. Blessuð börnin kunna örugglega endirinn utan að.

Annars hlakka ég rosalega til að sjá áramótaskaupið í ár, ungt og ferskt fólk að leikstýra Verður vonandi goooooooood

Hef fengið veður af því að það sé ömurlegt að kommenta á síðunni minni, skýrir kannski þessi arfaslöku viðbrögð sem ég fæ við hverri einustu færslu. VONANDI!! Maður þarf nú eitthvað að fara að ræða við strákana á tæknideildinni, usssss, gengur ekki sko!

Las í Velvakanda um daginn(ég veit, dáldið kelló að vera að lesa Velvakanda en hei...Þaddna þú veist...Æ ég hef enga afsökun, guess i´m a kell...) að kona var að kvarta yfir því að það væri verið að nota orð eins og geðveikur í auglýsinum. Hún er örugglega að meina auglýsinguna frá Sparisjóðnum þar sem fólk er beðið um að styrkja samtök sem eru að vinna að úrbótum á geðheilbrigðiskerfinu. Ókei. Í þessari auglýsingu er örugglega bæði verið að nota orð eins og "geðveikur" til að vekja athygli á auglýsingunni og til að deila á hversu illa samfélagið(including me...)er búið að nauðga þessu orði. Af hverju ætti orð eins og geðveikur ekki heima í auglýsingu þegar þetta orð er bara eins og hvert annað orð? Þetta er bara hræðsla við að nota orð eins og geðveikur yfir fólk sem er jú í raun geðveikt af því samfélagið er búið að hlaða orðið neikvæðni. Ég til dæmis nota þetta orð alveg í gífurlegu magni yfir eitthvað sem mér finnst frábært, þá segi ég oft að eitthvað sé geðveikt. En ég nota það samt líka í upphaflegri merkingu og finnst ekkert að því, "mamma er geðveik", meina ég þá að hún er með geðsjúkdóm. Stundum reyndar ef mamma segir mér frá einhverju sem hún er að hugsa um að gera og mér finnst það til dæmis alls ekki sniðugt( bara sem dæmi) þá segi ég oft "nei mamma ertu geðveik". Þarna skarast oft merkingin hjá mér... Mamma segir oftast bara já við þessari heimskulegu spurningu dóttur sinnar. Jæja bara svona vangaveltur. Kannski ein í viðbót. Ég er nú oft blaðrandi í símann á daginn(what with it being my job and all...) og ég er farin að taka eftir einu orði sem er algjörlega að festast í sessi í orðaforða Íslendinga en það er orðið yes. Ókei er náttúrulega algjörlega fast í öllum, allir segja bara ókei, nema ég þegar ég er að tala við ókunnugt fólk í símann af því ókei er ekki vandað íslenskt mál... En allavega, fólk er alveg farið að segja bara yes í símann í staðinn fyrir já. Alveg ótrúlega margir allavega. Ég geri þetta sjálf frekar mikið. Ég tala ekkert rosalega vandað mál, er að átta mig á þessu núna...Hehe Jæja ég er hætt þessu blaðri!

 

23 dagar til jóla

"Er líða fer að jólum, og hátíð fer í hönd"

Hermann minn...

jæja Hemmi minn...Alltaf í boltanum og svona...Ég hef frá engu að segja, er bara að vinna alltaf eins og einhver bjáni...Ætli maður hætti ekki að borða ís eftir þessi ógeðis gerla tíðindi  Hvað er í gangi, getur fólk ekki bara þrifið eftir sig, svo það fari nú ekki að stráfella fólk af ísáti einu saman! Hehe ókei ókei maður deyr kannski ekki en maður veikist og svona og það er nú algjör óþarfi að veikjast bara af því einhver nennir ekki að þrífa hmmm... Ég er svo mikill spekingur vá...Jæja þetta blogg er ekkert að gera sig, það er engin blogghugmynd að fæðast hjá mér, set bara inn link, ég kafnaði úr hlátri yfir þessu! http://kvikmynd.is/video.asp?land=born&offset=0&id=2781

OMG

Hef ekkert merkilegt að segja, langaði bara að tékka inn...See how ya'll are doin Var að horfa á AMNTM og ég er sátt við úrslitin, hef reyndar ekkert fylgst með, horft á einn og einn þátt en það er alveg nóg stundum, þetta er nú 6. season-ið eða eitthvað álíka! Hehehe...Fyrst ég er byrjuð að tala um sjónbartið þá er ég geggjað sátt við að House sé að byrja aftur, elska House, hann er svo yndislega bitur gaur Svo skemmir nú ekki saklausi Billy úr neibörs fyrir ehemm Annars var ég að skoða eitthvað sexiest man alive á people.com og þar var Omar Epps! Ég sé ekkert aðlaðandi við þann mann... Bara sorrí Heiða Björg ég veit hann er blökkumaður og þeir eru margir hverjir smokin, en þennan gaur vantar það alveg að mínu mati... Vantaði alveg samt mynd af einum manni þarna í sexiest man alive Æi greyin, eiga enga mynd af honum...

Jæja ég er hætt þess gelgjubloggi, var að naglalakka mig, þá verð ég stundum soldið over girlie, bare with me here, ég er nú einu sinni stelpa...*BLIKK BLIKK* Þá má maður alveg vera stelpulegur, þegar maður er stelpa,meikar það ekki sens? Það finnst mér. Ókei, the end.

E.s. Titillinn er vísun í þetta gelgjukomment. Af hverju geri ég þetta, er með einhvern wack titil sem ég þarf að útskýra? Fjúff kemur þetta skrítna aftur. Margt sem ég geri er hægt að útskýra með því að ég er skrítin. Mér er sama, ég er bara skrítin, líður bara ágætlega með það. Ég þarf alltaf að vera að útskýra, nú er ég til dæmis að útskýra af hverju ég er að útskýra titilinn. Sjæs, ég þarf að leggja frá mér tölvuna, before I lose it It meaning vitið...Ok hætt að útskýra!

 

 

 

 

Eydís Agla!

Lúllaði hjá okkur í nótt, hún var auðvitað í sínu besta skapi eins og vanalega Svaf út og læti! Hehe love her tooooo much Ég tók að sjálfsögðu myndir, nýti hvert tækifæri til að monta mig híhí

Þarna er þessi krúttari. Set fleiri myndir í myndaalbúmið.

Góða helgi! 

Norðanbál

Hvað er ég búin að heyra þetta goddamn orð oft síðustu daga? Grínlaust svona 300 sinnum. Með ýkjum. Yeah rub it in! Það er skítakuldi, óþarfi að tönnlast á því... Það er dálítið skondið að um leið og einhver segir eitthvað svona orð í útvarpi eða sjónvarpi, eitthvað svona gott orð, þá grípa það allir á lofti og níðast svoleiðis á því að maður er allt í einu sjálfur farin að segja það í tíma og ótíma. Kannski bara lýsandi orð yfir ástandið 

Jæja, Big love að byrja. Ég var fyrst engan veginn tilbúin til að horfa á þessa þætti í mótmælaskyni við upphafslagið. Ég meina það á ekki að nota "God Only Knows" með Beach Boys í einhvern sjónvarpsþátt. Alveg sama hversu góður þátturinn er. Þetta lag er bara alltof vel samið og alltof alltof fallegt. Fyrir mér. 

 

Taco night

Fór útí búð áðan til að kaupa það nauðsynlegasta sem þarf til að gera almennilegt taco night en mér var stórlega misboðið! Þar sem ég stend og horfi á afgreiðslumanninn( drengstaulann) renna vörunum í gegn sé ég hvar hann laumar fingri í nösina á sér og þurrkar svo afrakstur mokstursins í peysuna eins og ekkert sé! Þetta var greinilega svo eðlileg athöfn hjá honum að hann skammaðist sín ekki hið minnsta. Ég var næstum búin að æla á drenginn en ég hélt stillingu minni og horfði vandlega á hvaða vörur hann ætti eftir að snerta svo ég gæti farið heim og skolað þær. Ojbara, skamm hordrengur, svona gerir maður ekki...

En að öðru. Fór til múttu á spítalann í dag, fór með henni út til að hún gæti fengið sér smók og var þar kona ein sem mamma fór að tala við. Svo þegar konan er farin spyr ég hana hvort þetta væri starfsmaður og mamma segir nei hún er sjúklingur og ég segi jájá hún virtist nú vera frekar heil á geði hahahaha og svo hló ég voða, ótrúlega góður húmor. Mamma gat nú ekki annað en hlegið að mér, alltaf að reyna að líta á björtu hliðarnar

Dave to the rescue...Super Dave...

Er að vinna, Dave Chappelle búin að bjarga deginum, its Dave to the rescue!

Þetta er brill skets http://youtube.com/watch?v=qojgZwKe4a0

 

Röfl

Er í vondu skapi! Fékk ekki að sofa út í morgun, átti að vera á kvöldvaktinni en það heyrir til undantekninga að maður vinni bara hana, er eiginlega orðinn fastur liður að vera tvöfalt...Dæs...En svona er þetta víst bara. Maður fær péning... Skapið lagast pottþétt þegar ég fer í heimsókn til Ollu frænku í matartímanum mínum

Skil ekki alveg þetta djók með að grafa upp lækinn í Lækjargötunni. Er það virkilega svo að við eigum svo ógeðslega mikla peninga að við getum farið í einhverjar svona kjaftæðis framkvæmdir, ég meina ef Binga dettur ekkert annað í hug hvað hægt sé að gera við alla þessa peninga þá er ég viss um að til dæmis Rauði krossinn eða styrktarfélög af ýmsu tagi, velti sér ekki beint uppúr peningabaði eins og Jóakim Aðalönd, og myndu sennilega taka því fegins hendi að fá smá péninga. En auðvitað kemur þetta okkur hinum, sauðsvörtum almúganum, bara ekkert við eða... Eins og ég segi, ég skil þetta ekki.

Eins skil ég ekki þetta með kellinguna í pilsinu í gönguljósinu. Er fólk fíbbl eða... Hvernig getur kona í pilsi ekki verið staðalímynd?Er fólki alvara? Er þetta ekki bara manneskja, einstaklingur, hvaða máli skiptir það hvers kyns þessi fígúra er? Það er alltaf verið að fókusera á vitlausa hluti. Þetta er alveg eins og að fara að borga konunum í boltanum jafn mikinn pening og köllunum af því þær fá svo lítinn pening. Ég spyr, hafa þær áhuga á því, að það sé verið að aumingjagera þær svona, geti ekki unnið fyrir sér sjálfar? Ókei það er kannski ekki þeim að kenna að kvennaboltinn sé ekki vinsæll en er þá ekki hægt að gera eitthvað í því? Hvar er jafnræði í þessu? Hverslags kvenremba er það, taka peninginn af köllunum af því þetta eru konur, en ef þessu væri öfugt farið. Ef það hefði verið þannig frá upphafi fótboltans að konur í bolta væru miklu vinsælli, væru þau þá að spá í að láta kallana hafa peningana þeirra, af því þeir greyin væru ekki vinsælir. Af hverju er alltaf verið að spá í hvers kyns fólk er. Á ekki að verðlauna fólk samkvæmt getu, kunnáttu og öllu því kjaftæði. Ég skil ekki eins og þegar konur eru að kæra til jafnréttisnefndar af því að kall fékk vinnuna sem þær sóttu um. So? Var þessi kall ekki bara hæfari en þessi kona? Og hvað er jafnréttisnefnd anyway? Nefnd skipuð til að troða á mannréttindum kalla? Leiðrétti mig hver sem vill, ég skil þetta allavega svona, væri alveg til í að heyra fleiri sjónarmið. Vonda skapið er eitthvað að leika mig grátt. Betra að fá útrás á blogginu en á viðskiptavinunum. Fyrirgefið, viðskiptavinkonunum. Helvítis kjaftæði er þetta.