Nýjasta druslan í bænum...

Ég er reiiiiiiið! Fór með bílinn okkar í þvottastöð hjá N1 og á meðan bíllinn var inni stóð ég bara úti og sólaði mig, kemur ekki labbandi til mín maður og spyr mig hvort bíllinn minn sé inni í stöðinni. Jú ég jánkaði því og hann segir mætti ég fá að skoða hann þegar hann er búinn í þvotti, maðurinn hafði nefnilega verið með bílinn sinn þarna um klukkutíma áður og hann væri allur rispaður! Ég fékk alveg nett sjokk, en vonaði bara að elsku litli kaggi kæmi nú óskaddaður út úr þessu. Svo ek ég honum út og maðurinn bíður hinum megin. Viti menn, bíllinn er haug-, haug,- hauuuuuuugrispaður!! Ég hafði einmitt rekið augun í það þegar ég var að sóla mig og bíllinn í þvotti a.k.a rispun, að bíllinn færi inn á manns eigin ábyrgð :..( Og þessi maður með skemmda bílinn sinn, hafði sagt mönnunum á bensínstöðinni frá þessu og þeir neituðu að gera nokkuð, og vildu ekki einu sinni loka þvottastöðinni svo fleiri myndu ekki lenda í þessu. Þetta finnst mér hrikalega lélégt! Bara að benda ykkur á þetta,EKKI fara með bílinn ykkar í svona þvottastöð. Og já, óþarfi að skamma mig, er búin að fá skammir fyrir að fara með bílinn í svona þvottastöð,geri það aaaaldrei aldrei aftur.

Ég hélt þú værir rómantík...

Er að vinna, og stytta stundir með Grey´s anatomy... George segir við Meredith:" I thought you were a romantic". Þetta er þýtt: "Ég hélt þú værir rómantík"...RómanTÍK??...Eða... Æi...Úff...

 

 

Heyr mitt ljúfasta lag...

Rosalega get ég orðið leið á röddinni í sjálfri mér á annasömum degi! Sérstaklega svona í vikulok. Á brjáluðum föstudegi klukkan þrjú, stend ég mig að því að vera farin að svara með einhverri ótrúlega þreyttri og leiðinlegri rödd,að mínu mati. Rödd sem ég vil sko ekki láta bendla mér við. Reyni þá að skipta aðeins um gír. En þegar líða tekur á vikuna, leiðinlegt að segja þetta, þá er ég orðin hundleið á að heyra sjálfa mig tala, alveg sama hversu blítt ég beiti röddinni! Ég verð seint þula held ég, þó ég væri alveg til í að prófa það, en ég held bara að ég myndi ekki þora, ef mér finnst röddin orðin pirrandi get ég ekki ímyndað mér að öðrum finnist hún hljómfögur... Ég vona bara að ég hljómi ekki eins og konurnar á símanum á Landspítalanum. Þurfti að hringja þangað vegna vinnunnar um daginn og ég hef sjaldan lent í öðru eins, dónaskapur og leiðinlegheit. Rödd Landspítalans er ekki hljómfögur. Allavega ekki sú sem ég talaði við. Stundum getur maður nú dæst, og verið svolítið þreyttur, en dóni er ég ekki.

Annars er ég alltaf að lenda í einhverju skemmtilegu í vinnunni. Á laugardagsmorgni klukkan tíu svara ég í símann; Morgunblaðið, skiptiborð og fæ til baka svarið; já viltu bíða eitt augnablik, sem ég og geri. Heyri ég tíu slög í klukku sem ég get ímyndað mér að sé stór standklukka í stofunni hjá þessari sem bað mig að bíða. Svo kemur hún í símann og segir; afsakaðu en ég heyri ekkert þegar hún fer að slá! Mér fannst þetta mjög skemmtilegt, af því ég heyri aldrei svona klukkur slá lengur, amma og afi áttu svona klukku svo ég fékk alveg nostalgíu yfir þessu símtali.

Ég er að hugsa um að leggja til þagnarbindindi þegar ég kem heim. Ég yrði eflaust langfyrst til að rjúfa það

 

ÞAÐ ER KOMIÐ SUMAR, SÓL Í HEIÐI SKÍN...

Gleðilegt sumar! Ætli þetta sé ekki rétti tíminn til að henda jólasmákökunum sem ég keypti í Hagkaupum fyrir jól... Þær voru svo góðar að ég tímdi eiginlega ekki að borða þær! Svo voru alltaf tvær eftir sem ég var að "spara" og nú eru þær náttúrulega ónýtar :( Svona er þetta...

Það er köttur út í garði hérna að leika sér,fyndið að horfa á hann. Minnir mig á Gumma gull, eða Guðmund Gullmola eins og hann hét nú fullu nafni, gamli kötturinn minn. Greyið, ég var oft að pína hann í bað og svona, hann var ekki hress með það...Við hverju bjóst hann þegar hann kom drullugur upp fyrir haus, með lítinn fugl í kjaftinum? Sem hann by the way ældi svo á þvottahússgólfið...

Jæja ég hef ekki mikið að segja, ætla bara að láta þetta duga, koma mér í vinnuna!

Adios...Og ÞAÐ ER KOMIÐ SUMAR!

P.s. Kallarnir eru ennþá týndir hérna hjá mér :( Búhú

Hei

Ég er sjónvarpssjúkingur með meiru *blikk blikk* ( ömm kallarnir eru horfnir á stjórnborðinu, veit ekki hvað hefur orðið um þá, verð víst að nota orð til að tjá það sem þeir eiga að tjá) en samt hef ég aldrei horft á einn einasta þátt af 24. Mér er sagt að maður verði að vera bara með 24 á the "to do list" og heila seríu af þáttunum til að þetta gláp borgi sig, líka svo maður missi ekki geðheilsuna, hef heyrt að það sé beinlínis hættulegt heilsunni að hafa ekki tíma eða nógu marga þætti.

Allavega...

Fórum út á lífið í gær. Það var svo mikil rigning! Greyið nýja fallega rauða taskan mín fékk aldeilis að finna fyrir því, var að reyna að skýla hárgreiðslunni með henni, það tókst ekkert rosalega vel, er allavega fegin að hafa farið au naturelle(með krullurnar semsagt útum allt, þær hefðu hvorteðer sprottið upp í þessari dembu). Við fórum á Prikið, gamli heimabarinn, en þar sem við höfum ekki farið þangað í alllangann tíma urðum við heldur betur fyrir menningarsjokki. Fyrir það fyrsta þekkti maður ENGAN, enda engin furða þar sem fólkið(eða börnin öllu heldur) þarna inni var sennilega að fæðast á árunum sem Markús Örn Antonsson gegndi embætti borgarstjóra í henni Reykjavík. Án alls gríns, þetta var eins og grunnskólaball. Það hefði ekki komið mér á óvart ef við hefðum verið rekin út með þeim orðum að þetta væri lokuð skólaskemmtun. Bjórinn og vínið hefðu samt sennilega skotið svolítið skökku við ef sú hefði verið raunin. Við entumst allavega ekki lengi þarna inni. Sökum úrhellis fórum við inn á Barinn, það var engin röð. Á annarri hæðinni var góð tónlist og frekar fáir svo maður gat alveg sjeikað, rattlað og rólað og meira að segja kom eitt mest spilaðasta lagið í ipodinum mínum þessa dagana, Miss Fat Booty með Mos Def. Þá vorum við Heiða nú glaðar! *BROOOOOS* En svo var annarri hæðinni lokað. Og fyrsta hæðin var algjörlega full af atvinnudópistum. Þetta var mjög spes. Alveg teknóið og træbal tattúin. En það var hægt að hlæja að þessu. Danstaktarnir voru miklir. Drengur að nafni Jói átti þá alla, en það voru ekki allir sammála um að hann mætti dansa svona nálægt þeim. Þar með talin konan í frakkanum sem Jói vildi þó halda fram að væri karlmaður, jafnvel þó ég benti honum á að hún héldi á handtösku.
Ég vaknaði með lagið three is a magic number með De La Soul spilandi á fullu í hausnum á mér.

Skoðaði bloggsíðu hjá veðurfræðingi í gær, og hann vildi meina að veturinn væri fyrir bí. Ég er alveg mjög glöð með það. Alveg mjöööööög. * BROOOOS*

Góðar stundir

Lóan er komin

Mikið er ég glöð! vorboðinn ljúfi Snjórinn mætti samt alveg fara... 

http://mbl.is/mm/frettir/innlent/frett.html?nid=1261334

Grænu eyrun þín

Ég er að reyna að venja mig á gleraugun...aftur. Ég var rosaleg með þau, svaf næstum með þetta á nefinu en nú nota ég þau eiginlega bara til að horfa á sjónvarpið. Og þar sem ég nota þau svona lítið, nema heima, þá finnst mér svo óþægilegt að vera með þau. Af því ég sé svo vel með þeim.Ég sé bar of vel, á þetta að vera svona? Ég verð eiginlega bara feimin að sjá svona vel. Það er rosalega skrítið að sjá svona vel! Maður sér bara allt. Mér bregður líka sérstaklega þegar, án gríns(!!),ég lít í spegil. Mér finnst ég kannski voða sæt á leiðinni út, smelli á mig gleraugunum og lít í spegilinn og alveg what, hvernig fór ég að þessu, this is not pretty... *Andvarp*... En mér finnst bara svo óþægilegt að vera með þau, það pirrar mig svo, enda er ég eins og versti glámur með þau, æi með svona asnalega kæki eins og líta ótrúlega mikið upp til að sjá í gegnum þau og horfa niður fyrir gleraugun þegar ég er að tala við fólk nálægt mér, mjög "glámaleg" hegðun! Það er líka þannig að annað hvort verð ég að vera með þau, alveg, eða sleppa því, alveg. Ef ég tek þau niður fæ ég bara hausverk og sé ekki glóru. Ég veit, ég veit, þá á ég bara ekkert að taka þau niður...Það er bara svo pirrandi að vera með þau Hehe smá nöldur í gangi...

Talaði við Herulínu í símann í gær, hún sagði "hæ Fjóla" og svo kinkaði hún bara kolli(sagði mamma mér). Þær urðu því ekki mjög innihaldsríkar samræðurnar á milli okkar en ég ætla bara að fara og knúsa hana í kvöld, af því hún er svo mikil knúsulína. Svo ætla ég að vera svakalega góð við lilluna mína hana Eydísi, af því hún er svo mikil ræfilstuska, lasin litla greyið

Jæja, hef ekki fleira að segja í bili... Chiao

Flottur jakki! tvíd tvíd

Oj bara ullabjakk, er búin að vera að vinna öll kvöld þessa viku, það getur verið þreytandi... En nú er kominn föstudagur og ég að fara í helgarfrí Svo er veðrið líka miklu meiri vinur minn í dag heldur en í gær. Í gær var veðrið bara óvinur minn, ekkert skemmtilegt, snjór og eitthvað bull.

Hef voðalega lítið fram að færa í þessari færslu, er orðin voðalega löt í þessu bloggi, og hugmyndasnauð...

Allavega...Góða helgi

Jú sæl

Það er gott veður! Alveg suuuuuumarveðrið hérna! Þá eru allir í svo góðu skapi, matvæli orðin svo hræódýr að það nær ekki nokkurri átt og sólin alveg glennandi sig bak og fyrir! Já nú er sko aldeilis gaman að lifa! Er þaggi? Ég hef annars barasta ekkert að segja, var verið að rukka um blogg hérna hehe... Klöppum fyrir því eins og Bjössi bróðir myndi segja þessa dagana

"Here comes the sun, here comes the sun

and I say ITS ALLRIGHT"

Góðar stundir

 

 

Andvarp

Mér er kalt, ég vil fara heim Ég var andvaka í nótt og þess vegna lít ég út fyrir að vera ekki búin að sofa í marga daga, með bauga lengst lengst niður á kinnar... Þannig að fyrir utan hvað ég er nú sybbin þá lít ég líka hræðilega illa út! Uppáhaldstvennan mín, þreyta og ljóta Oj ég er svo upplífgandi! Ég get allavega hlakkað til þess að fara heim í dag oooog að ég skuli vera að fara í vaktafrí á miðvikudaginn Svo er líka alveg að koma marz! Og og og og og... Vííí!

Sjáum bara einn skets og komum okkur í gott skap! Eddie Murphy, eitt fyndnasta atriðið í þessu uppistandi, Raw síðan ég veit ekki hvenær 1985 eða eitthvað. Allavega funny stuff! Check out the outfit...

http://youtube.com/watch?v=QrOn4PqDxRg